Hverjir geta tekið þátt í Göngum í skólann?
Allir sem vilja, s.s. kennarar, nemendur, foreldrar, vinir og aðrir í samfélaginu, geta tekið þátt í Göngum í skólann.
Skipulag sumra skólahverfa getur gert gönguferðir erfiðar og sumir nemendur þurfa að fara langa leið til að komast í skólann. Ef nemendur eiga erfitt með að komast gangandi til skóla geta þeir samt tekið þátt í verkefninu á einn eða annan hátt. T.d.með því að:
Nemendur eru hvattir til að fara í gönguferð áður en kennsla hefst að morgni, til dæmis kringum skólalóðina, að nærliggjandi garði, göngustíg eða einhverjum öðrum tilteknum stað.
Ef ekki er hægt að hafa gönguferð áður en kennsla hefst, þá er hægt að skipuleggja göngu í hádeginu eða löngu frímínútunum. Hægt er að finna ýmsar leiðir svo börn gangi og hjóli meira. Það þarf bara svolítið ímyndunarafl!
Skólar sem taka þátt
Allir grunnskólar munu fá send veggspjöld Göngum í skólann en þátttaka í verkefninu felst í að að áhugasamir skólar:
- Skrái sig til þátttöku með því að senda póst á orvar@isi.is
- Í póstinum þarf að koma fram, auk nafn skólans, nafn tengiliðs við verkefnið ásamt stuttri lýsingu á hvað viðkomandi skóli ætlar að gera í tilefni af Göngum í skólann mánuðinum.
Það getur verið allt frá því að halda sérstaklega upp á Göngum í skólann daginn 5. október, til þess að leggja áherslu á þetta þema í heila viku eða jafnvel allan mánuðinn. - Nöfn skólanna sem taka þátt mun koma fram á heimasíðunni, ásamt áðurnefndri lýsingu. Einnig er mögulegt að setja tengingu við heimasíðu viðkomandi skóla á heimasíðu verkefnisins.