14.10.2022 82 grunnskólar skráðu sig til leiks í ár sem er met. Aldrei hafa fleiri skólar tekið þátt. Árið 2021 voru 79 skólar sem skráðu sig.
Samtals sendu 13 skólar okkur myndefni og/eða frásagnir frá viðburðum og verkefnum sem tengdust Göngum í skólann en enginn sendi myndband.



Þá er gaman að sjá hve margir skólar tengja verkefnið við kennslustundir eins og til dæmis stærðfræði. Innsendar frásagnir og myndefni ásamt fréttum um viðburðina er inná heimasíðunni. 

Að verkefninu loknu fengu allir þátttökuskólar þakkarbréf ásamt viðurkenningarskjali og gjöf til skólans en í ár voru það tveir brenniboltar, snúsnúband og fótbolti. Þeir skólar sem sendu inn efni, myndir, myndbönd eða frásagnir fengu að vanda aukagjöf, sem í ár var handbolti.