Göngum í skólann

Beint á efnisyfirlit síðunnar

13.11.2017 15:16

Íþróttaglaðningur á leiðinni

Allir þátttökuskólar í Göngum í skólann eiga von á íþróttaglaðningi á næstu dögum

13.10.2017 09:44

Hofsstaðaskóli með skemmtilegt skópartý og fjallgöngutúr Þjórsárskóla

Í tilefni af hinum alþjóðlega degi Göngum í skólann stóð Hofstaðaskóli fyrir skópartý sem heppnaðist stórvel. Nemendur komu með mörg hundruð skópör sem gefnir voru í Fjölskylduhjálp Ísland. Þá fór Þjórsárskóli í góðan göngutúr og fjallgöngu á Skaftholtsfjall.

09.10.2017 11:07

Langholtsskóli leggur land undir fót og gullskór í Glerárskóla

Nemendur og starfsfólk í Langholtsskóla hefur verið öflugt á meðan á Göngum í skólann stendur og farið um víðan völl. Þá var hinn árlegi gullskór veittur duglegasta bekknum í Glerárskóla.

04.10.2017 08:58

Alþjóðlegi Göngum í skólann dagurinn er í dag

Í dag, 4. október, þá er alþjóðlegi Göngum í skólann dagurinn og markar hann leiðarlok verkefnisins þetta árið. Vonandi hefur allt gengið vel í þeim fjöldamörgu viðburðum sem farið hafa fram í grunnskólum um allt land og þökkum við kærlega fyrir þátttökuna.

03.10.2017 11:17

Verkefnavinna í Húsaskóla og Breiðagerðisskóla og alþjóðlegi Göngum í skólann dagurinn er á morgun

Margir skólar standa fyrir skemmtilegum verkefnum í tengslum við Göngum í skólann og virkan ferðamáta. Húsaskóli og Breiðagerðisskóli deildu með okkur þeim flottu verkefnum sem þeir stóðu fyrir. Þá er alþjóðlegi Göngum í skólann dagurinn á morgun og með því lýkur verkefninu þetta árið.

27.09.2017 08:34

Norræna skólahlaupið á Suðureyri og endurskinsvesti í Varmárskóla

Norræna skólahlaupið fór fram á Suðureyri sem hluti af sérstöku tveggja vikna Göngum í skólann átaki þar. Þá var öllum börnum í 1. og 2. bekk í grunnskólum Mosfellsbæjar afhent endurskinsvesti til eignar í tilefni af Göngum í skólann.

25.09.2017 08:05

Vinabekkir í Vestmannaeyjum og Húsaskóli í skógarferð

Grunnskólinn í Vestmannaeyjum setti Göngum í skólann af stað með hópefli hjá vinabekkjum skólans og ávaxtastund. Húsaskóli fór í rannsóknarferð í grenndarskóg og tóku plankaáskorun.

23.09.2017 07:02

Íþróttavika Evrópu er hafin!

Í dag hefst Íþróttavika Evrópu (European Week of Sports) og stendur hún yfir til 30. september. Hún verður ræst með Hjartadagshlaupinu sem hefst í dag kl.10:00 á Kópavogsvelli. Margir viðburðir verða á meðan á Íþróttavikunni stendur og er markmiðið með vikunni að kynna íþróttir og hreyfingu um alla Evrópu og sporna við auknu hreyfingaleysi meðal almennings.

21.09.2017 08:00

Bíllausi dagurinn á morgun og umferðaröryggismyndbönd

Á morgun 22. september er bíllausi dagurinn en með honum lýkur Evrópskri Samgönguviku. Ýmislegt er í gangi af því tilefni og frítt verður í strætó. Þá er gott að hafa umferðarreglurnar á hreinu og hægt er horfa á myndbönd um umferðaröryggi frá Samgöngustofu.

20.09.2017 12:35

Íþróttavika Evrópu hefst laugardaginn 23. september

Núna um helgina hefst Íþróttavika Evrópu (European Week of Sports) og stendur hún yfir frá 23.-30. september. Göngum í skólann er hluti af því verkefni og markmiðin hin sömu varðandi hreyfingu og heilbrigðan lífstíl grunnskólabarna.

18.09.2017 12:02

Glerárskóli í gönguferðum og myndband frá setningarhátíð

Glerárskóli hefur gert víðreist og farið í margar gönguferðir innan Akureyrar í tilefni af Göngum í skólann 2017. Þá birtir BeActive glæsilegt myndband sem tekið var á setningarhátíðinni í Víðistaðaskóla þann 6. september.

14.09.2017 12:28

Ísfirðingar gengu á Sandfellið og Þjórsárskóli hjólaði um Suðurlandið

Mikil stemmning er meðal þátttakenda í Göngum í skólann 2017 og um allt land eru skólar að standa fyrir flottum verkefnum í tilefni af því. Í Grunnskólanum á Ísafirði var farið í árlega fjallgöngu og nemendur í Þjórsárskóla fóru í hjólaferðir um sveitir Suðurlands. Frábær framtak hjá flottum nemendum og starfsfólki.

12.09.2017 11:50

Dalskóli tók forskot á sæluna með fjallgöngu og Norræna skólahlaupið fór fram

Í Dalskóla hófst átakið Göngum í skólann 2017 þann 1. september sl. þegar nemendur og kennarar gengu fylktu liði á Úlfarsfellið í mildu haustveðri. Þá fór Norræna skólahlaupið fram víða um land þann 8. september og var það formlega sett í Giljaskóla á Akureyri.

08.09.2017 14:09

Fjallganga í Rimaskóla og skráning heldur áfram

Nemendur í Rimaskóla komu saman á sal þar sem Helgi Árnason skólastjóri fjallaði um mikilvægi hreyfingar, hollustu og heilbrigði. Að því loku gengu allir nemendur hollustuhring umhverfis skólann og nemendur í 6.bekk gerðu gott betur með hressandi fjallgöngu í blíðunni. Skráning hefur farið mjög vel af stað og heldur áfram fram að hinum alþjóðlega Göngum í skólann degi þann 4. október.

06.09.2017 11:55

Göngum í skólann 2017 sett af stað í Víðistaðaskóla

Í morgun fór fram setningarhátíð Göngum í skólann 2017 í Víðistaðaskóla í Hafnarfirði en þetta er í 11. skipti sem verkefnið fer fram. Mikil gleði ríkti og fluttu nemendur flott tónlistaratriði fyrir hátíðargesti áður en formleg gangsetning fór fram með góðum göngutúr um Víðistaðatún.

05.09.2017 06:03

Setningarhátíð í Víðistaðaskóla á morgun

Göngum í skólann 2017 verður sett hátíðlega af stað á morgun, miðvikudaginn 6.september, í Víðistaðaskóla í Hafnarfirði með ávörpum og tónlistaratriðum. Þetta er í ellefta sinn sem verkefnið er ætlað grunnskólabörnum og markmið þess er að hvetja þau til að nýta virkan ferðamáta til og frá skóla.

04.09.2017 13:36

Örugg ráð, reiðhjólaaðstaða og gangbrautir

Nú er skólastarfið komið á fullt skrið ásamt miklu lífi í félagsmiðstöðvum og íþróttastarfi hjá grunnskólabörnum um allt land. Því er mikilvægt að foreldrar og kennarar taki sér góðan tíma í að fara yfir umferðarreglurnar með hinum ungu vegfarendum og passi upp á að öryggisbúnaður sé í góðu lagi. Einnig er brýnt að reiðhjólaaðstaða á skólalóðum sé til staðar og að gangbrautir við skóla séu vel merktar.

25.08.2017 08:58

Opið fyrir skráningu í Göngum í skólann 2017

Opið er fyrir skráningu í Göngum í skólann 2017 og hefur skráning skóla farið vel af stað. Hægt verður að skrá sig til leiks á meðan á verkefninu stendur eða fram að alþjóðlega Göngum í skólann deginum þann 4. október nk.

24.08.2017 09:59

Aðgát í umferðinni

Nú eru grunnskólar landsins teknir til starfa eftir sumarið og margir ungir vegfarendur á leið til og frá skóla. Við hvetjum foreldra til að fara vel yfir umferðarreglur með börnunum og ökumenn til að gæta sérstakrar varúðar í nálægð við skóla- og íþróttasvæði.

14.08.2017 14:42

Göngum í skólann 2017

Verkefninu Göngum í skólann verður hleypt af stokkunum í ellefta sinn miðvikudaginn 6. september næstkomandi og lýkur svo formlega með alþjóðlega Göngum í skólann deginum miðvikudaginn 4. október. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.

Fréttasafn

Fréttasafn

2024

Ágúst, September, Október, Nóvember.

2023

Ágúst, September, Október.

2022

Janúar, Ágúst, September, Október.

2021

Ágúst, September, Október, Desember.

2020

September, Október.

2019

Ágúst, September, Október, Desember.

2018

Ágúst, September, Október.

2017

Ágúst, September, Október, Nóvember.

2016

Ágúst, September, Október.

2015

Júlí, Ágúst, September, Október.