16.09.2026 Göngum í skólann fer vel af stað og hafa nú þegar 55 skólar skráð sig til leiks. ÍSÍ hvetur fleiri skóla til að taka þátt. Skráning fer fram hér.

Það getur sannarlega borgað sig að taka þátt. Þann 10. október nk. verða þrír þátttökuskólar dregnir út og fær hver þeirra 150.000 króna inneign hjá Altis til kaupa á búnaði eða vörum fyrir skólalóðina eða íþróttasalinn.

Þátttökuskólar eru jafnframt hvattir til að senda inn myndir og frásagnir af viðburðum og verkefnum sem fram fara í tengslum við Göngum í skólann.

Hægt er að senda inn efni í gegnum heimasíðuna eða með tölvupósti á linda@isi.is.